BODOBRIGA

BODOBRIGA

German. oppid. ad Rhenum, hodie Boppart, vel Bebarten, uti censet Pircheymerus. Ditionis Trevirensis, 2. leuc. a Confluentiis. De illo ista habet Hadr. Vales. in Notit. Galliae: Bodobriga, in provincia Germania prima praesidum militum Ballistariroum cum Praefecto suo habuit, inter Bingium et Confluentes posita, ut docet Notitia Imperii Rom. in qua reperitur sub V. Sp. Duce Mogontiacensi Praefectus militum Ballistariorum Bodobriga. In tabula Theodosiana Bontobrica vocatur, et ponitur Vosaviam inter et Confluentes, a Confluentibus 9. a Vosavia, 8. mill. pass. distans. At in Itinerario Aethici Boudobrica, alias Boudobrica dicitur, et male collocatur inter Antunannacum et Bonnam: cum Antunnacum potius sit ad flumen Rhenum positum Bodobricam inter et Bonnam. In libri rerum memorabilium a Bernardo gestarum c. 11. Vicus magnus, qui supra Rhenum situs est, et nominatur Bobardus. Item, Transeunte Sancto prope vicum in litore Rheni positum, quem Bobardum vocant. Vulgo Bopparten, vel Bopart eum lucum nuncupari Simlerus et Cluverius observavêre; Bobardum ex Bodobriga aut Baudobrica ante annos quingentos factum esse non observavêre.